د اوبو او انرژي سرپرست وزیر د کندز ولایت د بند برق اول له سیمې څخه لیدنه وکړه
د اوبو او انرژي سرپرست وزیر ښاغلي الحاج ملا عبداللطیف منصور د کندز ولایت د خان آباد ولسوالي اړوند د بند برق اول له سیمې څخه په داسې حال کې چې د یو شمیر سیندیزو حوزو رئیسانو او ځایي مسؤولینو یې ملتیا کوله، لیدنه وکړه.
په ورته مهال، د اوبو او انرژي له سرپرست وزیر سره د یاد بند د پاتې چارو، ودانیزو او تخنیکي ستونزو په هکله بحث او د اندونو تبادله وشوه.
همدارنګه د اوبو او انرژي سرپرست وزیر د شته امکاناتو په پام کې نیولو سره د یاد بند اړوند ستونزو ته د رسیدګي ډاډ ورکړ.
