د اوبو او انرژي وزارت د رهبري پلاوي یولسمه ناسته د دې وزارت د ځینو اړینو تخنیکي او اداري موضوعګانو د څېړلو او د ستونزو هوارولو په هکله ترسره شوه
دا ناسته، د اوبو او انرژي وزارت د انرژي معین ښاغلي مولوی عارف الله عارف، د اوبو معین ښاغلي انجنیر مجیب الرحمن عمر آخندزاده، د رئیسانو او د وزارت د یو شمېر مسؤلیونو په ګډون کې ترسره شوه.
په دغه ناسته کې، د اوبو او انرژي څانګو کې د بیلابیلو اداري او تخنیکي موضوعګانو ، په ولایتونو کې د انرژي زونونو د ستونزو د هوارولو او د دې وزارت پوري اړوند یو شمېر اداري او تخنیکي موضوعګانو په هکله بحث او د نظر تبادله وشوه او لازم تصمیمونه ونیول شوو.
د اوبو او انرژي وزارت معینانو په ناسته کې د مطرح شویو موضوعګانو د راپور تر څېړلو وروسته د هغوی د وضعیت په اړه د اړوندو مسؤلینو څخه معلومات واخیستل او یوه ګډه کمیټه یې د اړوندو موضوعګانو د څېړلو په موخه وټاکل .
همدارنګه په ولایتونو کې د انرژي زونونو د آمریتونو د ستونزو د هوارولو په برخه کې پریکړه وشوه، چې نوموړي آمریتونه د سیندیزو حوزه پوري اړوند دي او د هغوی د مالي او اداري ستونزو د هوارولو لپاره باید د سیندیزو حوزو له لاري رسیدګي و شي.
