پکتیکا ولایت کې د څلورو چکډمونو د جوړولو چارې روانې دي
د پکتیکا ګومل سیندیزې فرعي حوزې رئیس قاري فتح محمد ذاکر او ورسره مل تخنیکي ټیم د پکتیکا ولایت په ګومل ولسوالي کې د اډه وال چکډم، په نعمت آباد ولسوالي کې د ماشین کلي چکډم، په چهاربران ولسوالي کې د هندوغار چکډم او په اومنې ولسوالي کې د ګیناوي چکډم د جوړولو چارو له بهیر څخه څارنه وکړه.
د نوموړې حوزې رئیس او تخنیکي ټیم د یادو چکډمونو د چارو له بهیر څخه د څارنې پرمهال، د قرارداد پر بنسټ او په معیاري توګه د یادو چکډمونو پر جوړولو باندې ټینګار وکړ او د قراردادي شرکتونو مسئولینو ته یې د چارو د غوره پرمخ وړلو لپاره اړینې سپارښتنې وکړې.
