د تېرې ادارې پر وخت د کاپیسا د سیندیزې فرعي حوزې د پروژو د څېړنې او د فزیکي سلنې د پرمختګ چارې پیل شوې
"د پورونو د تثبیت کمېټې" مسؤلینو د تېرې ادارې پر وخت د کاپیسا د سیندیزې فرعي حوزې د پروژو د څېړلو او فزیکي سلنې پرمختګ په موخه د نوموړې حوزې له رئيس محترم انجنیر کاوه خروش سره وکتل او د نوموړې موضوع په هکله یې بحث او د اندونو تبادله وکړه.
ښاغلي خروش د نوموړې کمېټې مسؤلینو ته په تېره اداره کې د دغې حوزې د پروژو د څېړلو او د فزیکي پرمختګ د سلنې په هکله د هر راز همکارۍ ژمنه ورکړه.
د یادونې وړ ده، چې د نوموړې کمېټې په ترکیب کې د مالیې وزارت، د تفتیش عالي ادارې او د اوبو او انرژي وزارت استازي شامل دي.
له بلې خوا، د کاپیسا د سیندیزې فرعي حوزې او د کاپيسا ولایت د پوهنې د محترم ریاست د مسؤلینو په همغږي سره د نوموړې حوزې د ۱۷ تنو اجیرانو، کم لوستو او نالوستو موټروانانو او دوه تنه امنیتي ساتونکو ته د نهه میاشتو لپاره د لیک- لوست کورس په لاره واچول شو.
