د اوبو معینیت په اونیزه تخنیکي ناسته کې د اوبو تاسیساتو د انجنیري چوپړونو عمومي ریاست د فعالیتونو راپور و ارزول شو
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر رهبري لاندې د اوبو سکتور د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
د ناستې په بهیر کې، د اوبو تاسیساتو د انجنیري چوپړونو عمومي ریاست د ۱۴۰۲کال د فعالیتونو راپور او د ۱۴۰۳ کال کاري پلان و ارزول شو او د اجراآتو د څرنګوالي او د شته ننګونو د هوارولو په هکله بحث او د اندونو تبادله وشوه.
د اوبو محترم معین د نوموړي راپور تر ارزولو وروسته، اړوندو مسؤلینو ته د ستونزو د هوارولو او د چارو د غوره ترسره کولو په هکله اړینې سپارښتنې وکړې.
