د انرژي معینیت اونېزه اداري او تخنیکي ناسته ترسره شوه
دغه ناسته د انرژي معینیت د غونډو د سرپرست او د پایدارې انرژي د عمومي رئيس محترم مولوي عزیزالله سهار تر مشري لاندې د دغه معینیت د رئيسانو، سلاکارانو او یو شمېر تخنیکي مسؤلینو په شتون کې ترسره شوه.
په دغه ناسته کې، د تېرې ناستې د پرېکړو اجراآت تر څېړنې لاندې ونیول شول او همدارنګه د نوي کېدو وړ انرژي د همغږۍ کمېټې د پروپوزل د مسودې، د انرژي زونونو په آمریتونو کې د بودجې د کموالي، په دایکنډي ولایت کې د برېښنا د کموالي د ستونزې او د بامیان د مرکزي زون د آمریت د وړاندیز شوو پروژو په هکله بحث او د اندونو تبادله وشوه.
د ناستې په بهیر کې، رئيسانو او مسؤلینو د نوموړو موضوعاتو په هکله خپل معلومات او اندونه وړاندې کړل او د چارو د لا غوره ترسره کولو په موخه اړین تصمیمونه ونیول شول.
