غزني ولایت کې د مرکز جوی کامل پروژې چارې ۴۵ سلنه پرمخ تللې دي
د غزني ولایت د ولاړو اوبو سیندیزې فرعي حوزې مسؤلینو د غزني ولایت د مرکز جوي کامل پروژې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
نوموړې پروژه چې ۱۰۶۰ متره اوږدوالي او د کانال سور یې ۱۵۰ سانتي متره او د دېوال لوړوالي یې ۱۳۸ سانتي متره دی، چارې یې ۴۵ سلنه پرمخ تللې دي.
د دغې پروژې چارې د یو، ان، اف، ای، او موسسې په مالي لګښت د غزني ولایت د ولاړو اوبو د سیندیزې فرعي حوزې تر څارنې لاندې پرمخ وړل کېږي.
