بامیان ولایت کې د یخ د ټوټو په شکل د موسمي اوبو د کتلو راټولولو او زېرمه کولو د پروژې چارې پيل شوې
د بامیان ولایت د مرکز اړوند په سیالایک سیمه کې د یخ د ټوټو په شکل د موسمي اوبو د کتلو د راټولولو او زېرمه کولو د پروژې چارې پيل شوې.
د دغې پروژې په پلي کېدو سره د یخ د ټوټو په شکل موسمي اوبه زېرمه او په دوبي کې ورڅخه د کرنې لپاره ګټه پورته کېږي .
په دغه پروژه کې یو شمېر خلکو ته د کار زمینه چمتو شوې او د چارو په بشپړېدو سره به یې ۱۵۰ جریبه کرنیزه ځمکه خړوبه شي.
د نوموړې پروژې چارې د یو، ان، ډي، پي دفتر په مالي لګښت د بامیان د سیندیزې فرعی حوزې تر څارنې لاندې پرمخ وړل کېږي او چارې به یې د یوې میاشتې په موده کې بشپړې شي.
