د اوبو او انرژي سرپرست وزیر د ام، سي، سي شرکت له رئيس سره د باغدرې بند پروژې د پلي کولو د همغږي په هکله بحث او د اندونو تبادله وکړه
د اوبو او انرژي سرپرست وزیر محترم الحاج ملا عبداللطیف منصور د ام، سي، سي چینایي شرکت له رئيس او د نوموړي شرکت له یو شمېر نورو مسؤلینو سره وکتل.
په دغه لیدنه کې، د دواړولورو ترمنځ د لوګر ولایت د مس عینک د را ایستلو د پروژې د اوبو او برېښنا د چمتو کولو لپاره د زمینې جوړونې په موخه د دوه اړخیزو همغږیو او همکاریو او په ځانګړې توګه په کاپیسا ولایت کې د باغدرې بند د پروژې د پلي کوکو په هکله بحث او د اندونو تبادله وشوه.
د اوبو او انرژي سرپرست وزیر هغوی ته د دغه وزارت له لوري په دې برخه کې د اړینو همکاریو ډاډ ورکړ او همدارنګه د عملي همکاریو په ترسره کولو باندې یې ټینګار وکړ، چې ډېر ژر دې د دواړو لورو ترمنځ دوه اړخیز هوکړه لیک لاسلیک شي.
