پروان ولایت کې د څلورو پروژو د چارو له بهیر څخه څارنه ترسره شوه
د پروان ولایت د اوبو او انرژي رئیس محترم انجینر مجیب الرحمن حبیبي د پروان ولایت د مرکز اړوند د پل مټک، د خواجه کانالونو د سربندونو ، د پل سعدالله د سیند د تحکیماتو او د بګرام کانال د څنډو درغنیزو چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
د نوموړو پروژو رغنیزې چارې د اف. اي. او مؤسسې په مالي لګښت دپروان ولایت د اوبو او انرژي ریاست تر څارنې لاندې پرمخ وړل کېږي.
د نوموړ پروژو د چارو په بشپړېدو سره به د سیلاب اوبه کنټرول او د خلکو ستونزې به هم تر یوه حده هوارې شي.
