د اوبو او انرژي وزارت سرپرست د ننګرهار والي او د دغه ولايت د اوبو او انرژي له رئيس سره د کډوالو ستونزو ته د رسيدګي او د اوبو او انرژي د پروژو په هکله خبرې وکړې
د اوبو او انرژي سرپرست وزير محترم الحاج ملا عبداللطیف منصور ننګرهار ولایت د خپل سفر په ترڅ کې د دغۀ ولايت له والي محترم حاجي محمد نعیم آخند او د ننګرهار د اوبو او انرژي رئیس محترم عبدالاحد پاچا سره د بېرته را ايستل شوو کډوالو ستونزو ته د رسيدګي او د نوموړي ولايت د اوبو مديريت او د انرژي پراختيا د پروژو په هکله بحث او د اندونو تبادله وکړه.
ښاغلي منصور د ننګرهار ولايت د اوبو او انرژي رئيس ته سپارښتنه وکړه چې د کډوالو ستونزو ته د رسیدګي په برخه کې له اړوندو ارګانونو سره همکاري وکړي.
هغه همدارنګه د ننګرهار والي ته ډاډ ورکړ چې د شته امکاناتو په نظر کې نيولو سره به په دغه ولايت کې د اوبو او انرژي پروژو د پلي کولو په برخه کې اړينې کړنې تر لاس لاندې ونيول شي.
