کابل ولایت کې د اوبو بنسټونو او نیالګیو کښېنولو د یوې پروژې چارې د ۱۸ میلیونه افغانیو په لګښت بشېړې او ګټې اخیستنې ته وسپارل شوه
د کابل ولایت د پغمان ولسوالي په بره ارغندۍ سیمه کې د اوبو یوه سربند، د اوبو زیرمې، د ګبیوني چکډمونو، ترسونو، د ساتونکو د استوګنې ودانۍ جوړولو او د ۱۰ زره مثمرو او نا مثمرو نیالګیو کښېنولو پروژې چارې د ۱۸ میلیونه افغانیو په لګښت بشپړې او د کابل د اوبو او انرژي رئيس محترم مولوي نورالله حکمت، د پغمان ولسوال محترم قاري علي احمد مجاهد، د ملګرو ملتونو د پراختیایي پروګرام د مسؤلینو او د سیمې د خلکو په شتون کې ګټې اخیستنې ته وسپارل شوه.
له نوموړې پروژې څخه په ټوله کې ۳۰۰۰ کورنۍ ګټه پورته کوي، چې د پلي کولو موخه یې د اوبو غوره مدیریت، د ځمکې لاندې اوبو پياوړتیا، د کرنیزو ځمکو او هستوګنځیو خوندي ساتل دي.
د دغې پروژې چارې د ملګرو ملتونو د پراختیایي پروګرام په مالي لګښت د کابل د اوبو او انرژي ریاست تر څارنې لاندې پرمخ وړل کېدې، چې چارې یې د شپږو میاشتو په موده کې بشپړې او ګټې اخیستنې ته وسپارل شوه.
