د دعوت او ارشاد رئیس د هریرود-مرغاب عمومي حوزوي ریاست له مسئولینو سره ناسته وکړه
د اوبو او انرژي وزارت د دعوت او ارشاد رئیس محترم مولوي ګل رحمن عارف د هریرود-مرغاب عمومي حوزوي رئیس مولوي سید عبدالسلام مستوفي آغا په شتون کې د هغه ریاست له کارکوونکو سره د شرعي احکامو او د رسول اکرم (ص) سنتو د تطبیق په هکله ناسته ترسره کړه.
په دغهٔ ناسته کې ښاغلي مستوفي آغا د نوموړي ریاست د کارکوونکو لخوا د شرعي احکامو او نبوي سنتو د تطبیق او پیروي په هکله پوره اطمینان ورکړ.
د دغه ناستې په دوام کې ښاغلي عارف د دعوت او ارشاد موضوعاتو، د شرعي احکامو او د محمد مصطفی (ص) د سنتو د تطبیق په تړاو د بشپړو توضېحاتو د وړاندې کولو سربېره، د نوموړي ریاست کارکوونکو ته توصیه وکړه چې په خپلو دنیوي او وظیفوي چارو کې پر تقوا، آمانت دارۍ، غوره سلوک، د الهي اوامرو او د رسول الله (ص) د سنتو پاپند واوسي، هغه زیاته کړه چې د شرعي احکامو تطبیق یو نه بدلېدونکی اصل دی.
