تخار ولایت کې د آمو سیند څنډو د ټینګښت د اتم لاټ پروژه د څه باندې ۶۵ میلیونه افغانیو په لګښت بشپړه او د نهم لاټ پروژه د څه باندې ۸۱ میلیونه افغانیو په لګښت پیل شوه
د تخار ولایت د درقد ولسوالي په یتیم تپې سیمه کې د آمو سیند څنډو د ټینګښت د اتم لاټ پروژه د ۶۵ میلیونه، ۳۸۴ زره او ۵۹ افغانیو په لګښت بشپړه او د نهم لاټ پروژه د ۸۱ میلیونه، ۵۰۳ زره او ۵۷۳ افغانیو په لګښت د آمو سیند څنډو د ټینګښت رئيس محترم مولوي وکیل احمد نقي، د دشت قلعې سیندیزې فرعي حوزې رئيس او یو شمېر نورو سیمهایزو مسؤلینو په شتون کې پیل شوه.
د اتم لاټ پروژې ګټې ته د سپارلو او د نهم لاټ پروژې د چارو د پیل په پرانیست غونډه کې ښاغلي نقي د نوموړو پروژو او د آمو سیند څنډو د ټینګښت د راتلونکو پروژو په هکله اړین معلومات وړاندې کړل.
د یادونې وړ ده، چې د آمو سیند څنډو د ټینګښت د اتم لاټ پروژه چې یو کیلو متر اوږدوالی او ۲۲ متره سور لري د اوبو او انرژي وزارت له پراختیایي بودجې څخه پرمخ وړل کېدې او د نهم لاټ پروژه هم چې ۱۱۵۰ متره اوږدوالی لري، چارې یې د دغه وزارت له پراختیایي بودجې څخه د آمو سیند څنډو د ټینګښت ریاست تر څارنې لاندې پرمخ وړل کېږي.
