د اوبو او انرژي وزارت د عوت او ارشاد ریاست د ۱۴۰۳ لمریز کال د ښوونیز نصاب د لومړي پړاو آزموینه واخیستل شوه
دغه آزموینه د دعوت او ارشاد ریاست د مسؤلینو له لوري د اوبو او انرژي وزارت د دعوت او ارشاد د رئيس محترم مولوي ګل رحمن عارف، د امر باالمعروف او نهي عن المنکر وزارت د دعوت او ارشاد د چارو د انسجام د عمومي رئيس محترم مولوي شریف الله حقاني او ورسره مل پلاوي په شتون کې د اوبو او انرژي وزارت د سلګونو کارمندانو په ګډون د دغه وزارت د غونډو په عمومي تالار کې واخیستل شوه.
د اوبو او انرژي وزارت د دعوت او ارشاد رئيس د دغې آزموینې پر مهال د آزموینې د اخیستلو موخه د کارمندانو د استعدادونو معلومول او د لا زیاتو دیني زده کړو تر لاسه کولو ته هڅول وبلل.
د یادونې وړ ده، چې د دعوت او ارشاد ریاست د ښوونیز نصاب درسونه په ورځني ډول د ماسپښین لمانځه د ادا کولو وروسته د دغه وزارت په جومات کې د دعوت او ارشاد ریاست د مدرسینو له لوري د وزارت کارمندانو ته تدریس کېږي.
