د اوبو او انرژي سرپرست وزیر د فرزې او پغمان ولسوالیو له یو شمېر مشرانو سره د اوبو او برېښنا د پروژو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د کابل ولایت د فرزې او پغمان ولسوالیو له یو شمېر مشرانو سره وکتل او په نوموړو ولسوالیو کې د اوبو او برېښنا په هکله بحث او د اندونو تبادله وکړه.
په دغه لیدنه کې، د فرزې ولسوالي مشرانو په نوموړې ولسوالي کې د اوبو بند د جوړولو او د هغې ولسوالي اړوند د برېښنا رسونې د یوې پروژې د پلي کولو وړاندیز د وزارت د رهبري مقام ته وړاندې کړ.
د اوبو او انرژي سرپرست وزیر هغوی ته ډاډ ورکړ، چې د فرزې بند د پروژې د اسنادو د ارزولو او د امکان سنجي د مطالعاتو د ترسره کولو وروسته به شته امکاناتو ته په کتو په راتلونکي کې د هغه د پلي کولو په هکله اړین اقدامات ترسره شي.
