بدخشان ولایت کې د پل سوچ بند د جوړولو په موخه تخنیکي ارزونه ترسره شوه
د بدخشان برېښنا شرکت رئيس محترم مولوي حکمت الله آخندزاده او ورسره مل د بدخشان والي محترم قاري محمد ایوب، امنیه قوماندان محترم حاجي ملنګ، د یوه چینایي شرکت او یو شمېر نورو سیمه ایزو مسؤلینو د بدخشان ولایت جرم ولسوالي ته د پل سوچ برېښنا بند د تخنیکي ارزونې په موخه د نوموړي بند سیمې ته سفر وکړ.
د نوموړي بند په جوړېدو باندې180.7 میلیونه آمریکایي ډالر لګښت راځي، چې په جوړېدو سره به یې 28.3 میګاواټه برېښنا تولید شي.
د نوموړي بند په جوړېدو سره به د بدخشان ولایت د جرم او بهارک ولسوالیو اوسېدونکو ته برېښنا انرژي چمتو شي.
