د مالی او اداري مرستیال ښاغلی الماس زاخیلوال او د نړیوال بانک استازو ترمنځ ګډه ناسته ترسره وشوه.
د کجکي بند د دوهم فاز د پروسې لا چټکتیا په موخه د اوبو او انرژۍ وزارت د مالی او اداري مرستیال ښاغلی الماس زاخیلوال او د نړیوال بانک استازو ترمنځ ګډه ناسته ترسره وشوه
د اوبو او انرژۍ وزارت د مالی او اداري مرستیال ښاغلی الماس باور زاخیلوال نن ورځ د نړیوال بانک له استازو ښاغلی ریحان حیدر او آغلی افسانه افشار سره په هلمند ولایت کې د کجکي بند د دوهم فاز لپاره د چاپیریال مطالعاتو، ټولنیزو مطالعاتو او د ځمکو استملاک طرزالعملونو لپاره د مشورتي شرکت د استخدام په اړه خبرو اترو وکړې.
د اوبو او انرژۍ وزارت ستر سلاکار محمد داوود قاضی، د مالی رییس، د تدارکاتو رییس او د تدارکاتو یو شمیر کارپوهانو هم په دې ناسته کې ګډون درلود.
ښاغلي زاخیلوال د اوبو او انرژۍ وزارت او د نړیوال بانک ترمنځ د دې پروژې د پروسې لا چټکتیا کې د دوه اړ خیزو همکاریو مؤثره څرګنده کړه او د دواړو لوریو پر لا همغږي یې ټینګار وکړ.
د نړیوال بانک استازو هم ژمنه وکړه چې د کجکي بند د دوهم فاز د پروسې لا چټکتیا لپاره هر اړخيز همکاری به وکړی.
