افغان سما شرکت ته د ۵۰۰ کیلو ولټ امپیر برېښنا د تولید او وېش جواز ورکړل شو
دغه جواز د برېښنا انرژي خدمتونو د عمومي رئيس محترم ډاکټر محمد عابد انورزي له خوا د افغان سما د برېښنا انجنیري شرکت مسؤلینو ته ورکړل شو.
ښاغلي انورزي د دغه جواز د وېش پر مهال د برېښنا مارکیټ رامنځته کول او قانوني کېدل د اوبو او انرژي وزارت له کاري برخو څخه و باله او د افغان سما شرکت مسؤلینو باندې یې ټینګار وکړ، چې خپل خدمتونه له قانون، تګلارو او سټندرډونو سره سم خلکو ته وړاندې کړي؛ ترڅو له ځاني او مالي زیانونو څخه مخنیوی وشي.
د یادونې وړ ده، چې نوموړی شرکت د کابل د کوټه سنګي په سوداګریزه سیمه کې د برېښنا د تولید او وېش په برخه کې فعالیت کوي.
