اوبو او انرژي سرپرست وزیر د تخار ولایت له مسؤلینو، علماوو، مخورو سپین ږیرو او قومي مشرانو سره وکتل
د اوبو او انرژي سرپرست وزیر ښاغلي الحاج ملا عبداللطیف منصور د یوې غونډې په ترڅ کې په داسې حال کې چې د تخار ولایت والي محترم مولوي عبیدالله أمین زاده، د علماوو شورا رئیس محترم شیخ مولوي محمود، د أمر باالمعروف او نهی عن المنکر رئیس محترم مولوي حبیب الله حنفي، د پنج آمو سندیزې حوزې رئیس الحاج مولوي عبدالحکیم حاجي حکمت او د تالقان فرعي سیندیزې حوزې رئیس محترم مولوي صبغت الله قانع شتون درلود، د تخار ولایت له مسؤلینو، علماوو، مخورو سپین ږیرو او قومي مشرانو سره د تالقان فرعي سیندیزې حوزې د غونډو په تالار کې وکتل.
د یاد ولایت مسؤولینو د اوبو او انرژي وزارت سرپرست وزیر له راتګ څخه خوښي څرګنده کړه او ښه راغلاست یې ورته وویل.
په یاده لیدنه کې د اوبو او انرژي سرپرست وزیر د تخار ولایت د مسؤلینو او قومي مشرانو د اوبو، برېښنا، بندونو، چک ډیمونو او کانالونو اړوند ستونزې او غوښتنې واوریدې، او د متوازن انکشاف او شته امکاناتو په پام کې نیولو سره یې د دوي ستونزو او غوښتنو ته د رسیدګي ډاډ ورکړ.
په پای کې د اوبو او انرژي سرپرست وزیر د خبریالانو پوښتنو ته ځوابونه وویل ،او رسنیو ته یې اړین معلومات ورکړل.
