اوبو او انرژي وزارت کې د میلاد النبي (ص) ورځ و لمانځل شوه.
د اوبو او انرژي په مسجد کې د میلا النبي (ص) ورځ د ماسپښین لمانځه وروسته د وزارت د ټولو مسؤلینو او کارمندانو په شتون کې و لمانځل شوه.
په یاد پروګرام کې، د حضرت رسول اکرم(ص) د زوکړې له ورځې څخه د سورة یس شریف په تلاوتولو، د پیغمبر(ص) د سیرت او ژوند په هکله د ویناوو په وړاندې کولو سره، د آنحضرت(ص) د فضایلو او د نعت شریف په ویلو سره ولمانځل شوه.
د پروګرام په پيل کې، د یس شریف مبارکه سوره د اوبو او انرژي وزارت د ملا امام ښاغلي مولوي سید هارون له خوا تلاوت شوه.
وروسته، د برېښنا د څارنې او ارزونې رئيس ښاغلي مولوي محمد رسول جواد د پيغمبر(ص) د ژوند د پړاوونو( میلاد، بعثت او هجرت) په هکله په لنډه توګه خبرې وکړي او ټول کارمندان یې د اسلام د تاریخ مطالعې او د پیغمبر(ص) د سنتونو پيروي ته وهڅول.
د پروګرام په دوام کې، د اوبو او انرژي وزارت د دعوت او ارشاد رئيس ښاغلي مولوي ګل الرحمن عارف د پیغمبر(ص) د فضایلو او د درود شریف د ارزښت په هکله خبرې وکړې او د خدای(ج) څخه یې د پيغمبر(ص) د سنت او سیرت سره سم د عمل غوښتنه وکړه.
په پای کې یاد پروګرام د ذکر په ویلو او د پیغمبر(ص) د سنتونو د عملي کولو په غوښتلو سره پای ته ورسېده.
