حبیب الله توتاخیل سوداګریز شرکت ته د ۴۰۰ کیلو ولټ امپیر برېښنا انرژي د تولید او وېش جواز ورکړل شو
دغه جواز د برېښنا مارکیټ حقوقي رئيس محترم مولوي نورالله حکمت له خوا د حبیب الله توتاخیل سوداګریز شرکت مسؤل ته ورکړل شو.
ښاغلي مولوي حکمت د دغه جواز د وېش پر مهال د برېښنا مارکیټ رامنځته کول او قانوني کول د اوبو او انرژي وزارت له کاري څانګو وباله او ټینګار یې وکړ، چې خپل خدمتونه له قانون، کړنلارو او سټنډرډونو سره سم وړاندې کړي، ترڅو له ځاني او مالي زیانونو څخه مخنیوی وشي.
د یادونې وړده، چې نوموړی شرکت د کابل ښار په ۱۱ ناحیې کې د لیسې مریم په سیمه کې د برېښنا د تولید او وېش په برخه کې فعالیت کوي.
