دټولګټو وزارت د ټولګټو پروژو د قراردادونو د ارزونې او څېړنې په موخه د سترو قراردادونو د څېړنې د رهبري پلاوي ناسته ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د نورو وزارتونو د معینانو او د اړوندو ادارو د استازو په ګډون د اوبو معینیت د غونډو په تالار کې ترسره شوه.
په دې ناسته کې، د ټولګټو وزارت له پنځو زیاتې ټولګټې پروژې تر مطالعې او بیاکتنې لاندې ونیول شول او د هغوی د وضعیت د څېړنې او ستونزو دهوارولو په هکله بحث او د اندونو تبادله وشوه.
د سترو قراردادونو د څېړنې پلاوي د یادو پروژو تر هر اړخیزې او بشپړې څېړنې وروسته، د خپلو څېړنو پایلې او د وړاندیزونو او شونو لارو چارو سره یوځای د یوه بشپړ راپور په ترڅ کې د افغانستان اسلامي امارت له اقتصادي کمیسیون سره شریک کړي.
