د انرژي د سپما او اغېزمنتیا په اړه د ارشاد، حج او اوقافو وزارت علمای کرامو ته د اوبو او انرژي وزارت له لوري د انرژي سپما او اغېزمنتیا په هکله د عامه پوهاوي برنامه وړاندې شوه

په دغه برنامه کې د انرژي د سپما د مناسبو ‌لارو، چارو په هکله د هغه علماوو کرامو سره چې د کابل ښار له بېلابېلو ولسوالیو څخه را ټول شوي وو معلومات شریک شول، تر څو د منبرونو له لارې یې خلکو ته بیان کړي.

پدې برنامه کې د اوبو او انرژي وزارت د پایدارې انرژي د عمومي ریاست تر چتر لاندې د انرژي د تحفظ او مثمریت ریاست کارمندانو هر یو انجنیر فضل الرحیم سلطاني د انرژي د اغېرمنتوب آمر او انجنیر احمد ضیا فیروز د انرژي ساتنې آمر، په مفصله توګه د انرژي مدیریت، د انرژي د سرچینو ساتنې، چاپیریال ساتنې، د انرژي د سپما ارزښت او د سپما تګ لارې اړونده معلومات ګډونوالو ته ورکړل او د یادې برنامې د وړاندې کولو موخه یې له انرژي څخه په سمه توګه ګټه اخیستنه او عامه پوهاوی وباله.

د یادونې وړ ده، چې د انرژي سپما د عامه پوهاوي برنامې د اقتصادي کمیسیون 20/9/1445 نېټې 13 شمېري د مصوبې دویم بند د تحقق په موخه د پلان مطابق د اوبو او انرژي وزارت لخوا مخکې له دې په څو وزارتونو کې ترسره شوې او په راتلونکي کې به هم دوام مومي.