د انرژي د سپما په اړه د عامې روغتیا وزارت کارمندانو ته د اوبو او انرژي وزارت له لورې د انرژي سپما او مثمریت په هکله د عامه پوهاوي برنامه وړاندې شوه او په دغه برنامه کې د انرژي د سپما د مناسبو ډولونو په هکله د هغه وزارت له کارمندانو سره اړین معلومات شریک
پدې برنامه کې د یایدارې انرژي د عمومي ریاست تر چتر لاندې د انرژي د تحفظ او مثمریت ریاست کارمندانو هر یو انجنیر فضل الرحیم سلطاني د انرژي د آغېرمنتوب آمر او انجنیر احمد ضیا فیروز د انرژي ساتنې آمر، په مفصله توګه د انرژي مدیریت، د انرژي د سرچینو ساتنې، چاپیریال ساتنې، د انرژي د سپما ارزښت او د سپما تګ لارې اړونده معلومات ګډونوالو ته ورکړل او د یادې برنامې موخه یې له انرژي څخه په سمه توګه ګټه اخیستنه او عامه پوهاوی وباله.
د یادونې وړ ده، چې د انرژي سپما د عامه پوهاوي برنامې د اقتصادي کمیسیون 20/9/1445 نېټې 13 شمېري د مصوبې دویم بند د تحقق په موخه د پلان مطابق د اوبو او انرژي وزارت لخوا مخکې له دې په څو وزارتونو کې ترسره شوې او په راتلونکي کې به هم دوام مومي.
