د انرژي سکتور د پراختیا پنځه کلن عملیاتي پلان له وروستي کېدو وروسته د وزارت د رهبري له خوا تائید شو
د اوبو او انرژي سرپرست وزیر محترم ملا عبداللطیف منصور په داسې حال کې چې د وزارت د دفتر عمومي رئيس او د انرژي معینیت وارسي کوونکي محترم قاري محمد عبدالعزیز عزیز، د انرژي د برنامو رئيس محترم انجنیر فرهاد محمودي او د انرژي سکتور یو شمېر نورو مسؤلینو هم شتون درلود، د انرژي سکتور د پراختیا پنځه کلن عملیاتي پلان و ارزاوو او تائید یې کړ.
د انرژي سکتور مسؤلینو په دغه ناسته کې، د دغه عملیاتي پلان په هکله بشپړ معلومات او تشریحات د اوبو او انرژي وزارت د رهبري له مقام سره شریک کړل.
په ورته مهال، د اوبو او انرژي سرپرست وزیر د نوموړي پنځه کلن عملیاتي پلان تر تائېدولو وروسته، د هغه د پلي کولو په موخه اړینې سپارښتنې وکړې او ټینګار یې وکړ، چې په ټاکلي وخت کې د ټاکل شوو موخو د تر لاسه کولو لپاره غوره ده چې د انرژي سکتور د پراختیا پنځه کلن پلان د دغه عملیاتي پلان سره سم په مدیریتي او پروژه یې توګه په جدي ډول پلی شي.
