د انرژي معینیت اداري غونډه ترسره شوه
یاده غونډه د اوبو او انرژي وزارت د دفتر عمومي رئیس او د انرژي معینیت وارسي کونکي، ښاغلي قاري محمد عبدالعزیز "عزیز" په مشري د یاد معینیت د رئیسانو او تخنیکي مسئولینو په شتون کې ترسره شوه.
په دې غونډه کې د انرژي معینیت د کلني پلان، تر پلان لاندې پروژو لومړیتوب بندي، د څېړنیزو سټېشنونو او ټاورونو د ترمیم او مناسبو ځایونو ته د لېږدولو په موخه څېړنه، د هر ریاست له لوري د هغه ریاست د ځانګړي ستراتیژي تطبیق او د اداري چارو د تنظیم او انسجام په هکله بحث او د اندونو تبادله وشوه.
همدارنګه، د یادې غونډې په ترڅ کې اړوندو ریاستونو ته ځانګړې دندې وسپارل شوې ترڅو د انرژي معینیت د چارو د معیاري کولو او چټکتیا په موخه هر اړخیزې څېړنې وکړې او په راتلونکو غونډو کې تر بحث او څېړنې لاندې ونیول شي او د توافق په صورت کې به هغوی ته غوره کړنلارې یا میکانیزمونه چمتو او پلي شي.
د اوبو او انرژي وزارت د دفتر عمومي رئیس، د معلوماتو او د غونډې د غړو د اندونو تر څېړلو وروسته اړینې سپارښتنې وکړې او د چارو د غوره ترسره کولو په موخه یې ځانګړې کمیټې وټاکلې.
