د انرژي معینیت اونیزه اداري او تخنیکي ناسته ترسره شوه
دغه ناسته د اوبو او انرژي وزارت د دفتر عمومي رئيس او د انرژي معینیت وارسي کوونکي محترم قاري محمد عبدالعزیز عزیز، رئيسانو، سلاکارانو او تخنیکي مسؤلینو په ګډون ترسره شوه.
په دغه ناسته کې، د انرژي سکتور اړوند یو شمیر مهم تخنیکي او اداري موضوعات وڅیړل شول او همدارنګه د مخکنيو پرېکړو لکه د برېښنا تعرفې د طرحې او سقف د وروستي کولو او د افغانستان د برېښنا انرژي د قانون د وروستۍ شوې نسخې په اړه د نظر غوښتنې په هکله بحث او د اندونو تبادله وشوه.
د دفتر عمومي رئيس او د انرژي معینیت وارسي کوونکي، د نوموړو موضوعاتو تر څیړلو وروسته د انرژي سکتور د چارو د ښه والي او چټکتیا په هکله رئیسانو او سلاکارانو ته اړینې سپارښتنې وکړې.
