د انرژي معینیت اونیزه تخنیکي او اداري ناسته ترسره شوه
په دغه ناسته کې د انرژي په پروژو کې د پانګوالو لپاره د پانګونې په موخه د اړینو آسانتیاوو د رامنځته کولو، د اوبيزې برېښنا د تولید د کوچنیو بندونو د مدیریت، پېژندنې او پلي کولو په هکله بحث او د اندونو تبادله وشوه.
د دفتر عمومي رئيس او د انرژي معینیت وارسي کوونکي محترم قاري محمد عبدالعزیز عزیز د نوموړو موضوعاتو د غوره ترسره کولو په موخه اړینې سپارښتنې وکړې او ټینګار یې وکړ، چې د انرژي د پروژو په پلي کولو کې د پانګونې لپاره د زمینې د چمتوکولو په برخه کې هڅه وشي، چې اړینې آسانتیاوې رامنځته او له پانګوالو سره دې په بشپړ صمیمیت سره چلند وشي.
د یادونې وړ ده، چې په دغه ناسته کې د بدخشان د برېښنا رسونې پروژې د مطالعاتو امکان سنجي او د بدخشان انرژي له شرکت سره د شورابک بند د سپارلو په هکله د پخوانۍ ناستې د اجراآتو پرېکړې هم تر څېړنې لاندې ونیول شوې.
