د انرژي معینیت اونېزه اداري او تخنیکي ناسته ترسره شوه
دغه ناسته د دفتر عمومي رئيس او د انرژي معینیت وارسي کوونکي محترم قاري محمد عبدالعزیز عزیز تر مشري لاندې د رئيسانو او د دغه معینیت د یو شمېر نورو مسؤلینو په ګډون ترسره شوه.
په دغه ناسته کې، د انرژي معینیت د مسؤلینو ترمنځ د بېلابېلو اداري او تخنیکي موضوعاتو په هکله بحث او د اندونو تبادله وشوه.
د دفتر عمومي رئيس او د انرژي معینیت وارسي کوونکي د راپورونو او د رئيسانو د اندونو تر اورېدلو وروسته، د چارو د غوره مدیریت، د اجراآتو د چټکتیا او د دغه معینیت د پروژو د لا غوره پلي کولو په هکله اړوندو مسؤلینو ته اړینې سپارښتنې وکړې.
همدارنګه په دغه ناسته کې، د افغانستان برېښنا شرکت د اساسنامې په هکله هم خبرې وشوې، ترڅو اړین موارد د وزارت رهبري مقام ته وړاندیز شي او د وزارت د محترم مقام تر حکم وروسته ټاکل شوې کمېټه خپلې عملي چارې پيل کړي.
