د اوبو او انرژي سرپرست وزیر د ایران هېواد د نیرو له وزیر سره په یوه ټلیفوني اړیکه کې د هرات ولایت د برېښنا ستونزې د هوارولو په هکله خبرې وکړې
د اوبو او انرژي سرپرست وزیر محترم الحاج ملا عبداللطیف منصور د ایران د اسلامي جمهوريت د نیرو له وزیر محترم علي اکبر محرابیان سره د برېښنا تړون د غځولو موضوع او د هرات ولایت برېښنا د پرچاوي ستونزې د هوارولو په هکله خبرې وکړې.
دغه ټلیفوني خبرې چې پرون دوشنبې د ۱۴۰۲ لمریز کال د وږي میاشتې په ۲۰ نېټه د دواړو لورو ترمنځ وشوې، د ایران هېواد د نیرو وزیر د برېښنا د تړون د غځولو او د ستونزو د هوارولو په هکله د اوبو او انرژي سرپرست وزیر ته د همکاري ډاډ ورکړ.
همدارنګه په دغه ټلیفوني اړیکه کې پرېکړه وشوه، چې یو ټاکلی پلاوی له افغانستان څخه ایران هېواد ته سفر وکړي، ترڅو د برېښنا د موضوع او د هغه د پرچاوي ستونزې د هوارولو په هکله د دواړو لورو ترمنځ له نېږدي خبرې وشي.
