د اوبو او انرژي سرپرست وزیر د غور له والي سره وکتل
د اوبو او انرژي سرپرست وزیر محترم الحاج ملا عبداللطیف منصور د غور له والي محترم ملا احمدشاه دین دوست او ورسره مل د غور سیندیزې فرعي حوزې تخنیکي سلاکار محترم محمد کوهستاني سره وکتل.
په دغه لیدنه کې د غور والي د اوبو او انرژي له سرپرست وزیر څخه په یاد ولایت کې د اوبو او برېښنا پروژو د پلي کولو غوښتنه وکړه او د اوبو او انرژي سرپرست وزیر ته یې یاد ولایت ته د سفر بلنه ورکړه.
د اوبو او انرژي سرپرست وزیر د یاد ولایت والي ته د متوازن انکشاف او شته امکاناتو په پام کې نیولو سره د اوبو او برېښنا پروژو د پلي کولو ډاډ ورکړ او زیاته یې کړه، چې د فرصت چمتو کېدو په صورت کې به یاد ولایت ته سفر وکړي.
