د اوبو او انرژي وزارت د انرژي معین د Anadolu Federasyonu خیریي موسسي له استازي سره و کتل
د اوبو او انرژي وزارت د انرژي معین ښاغلی مولوي عارف الله عارف نن د غرمې مخکې د خپل کار په دفتر کې د Anadolu Federasyonu د خیریې موسسې استازي ښاغلي دوکتور فکري شعبان اغلو سره د پېژندګلوي لیدنه ترسره او افغانستان ته د ترکیې هیواد د مرستو پرجذبولو او د افغانستان او ترکیې د اړیکو پر شالید باندې بحث او د نظر تبادله وکړل.
په دغه لیدنه کې، د اوبو او انرژي وزارت د انرژي معین د یادې موسسې استازي ته ښه راغلاست وویل او افغانستان ته د یادې موسسې د مرستو د لېوالتیا څخه خوښۍ څرګنده کړه.
په ورته وخت کې، د(Anadolu Federasyonu) خیرېې موسسې په دغه لیدنه کې د افغانستان له خلکو سره په بېلابېلو کټګورویو کې د لا زیاتو بشر دوستانه مرستو ژمنه وکړه.
