د اوبو او انرژي وزارت د اوبو معينيت پلاوي د لغمان له والي سره د شاهي کانال د چارو د پیل په موخه وکتل
د اوبو او انرژي وزارت د اوبو معينيت پلاوي د محترم امين الله عزيزي په مشري د لغمان سينديزې فرعي حوزې رئیس مولوي شیر جان راشدي په ملتيا د لغمان له والي محترم شيخ شیراحمد حقاني سره د شاهي کانال د چارو د پیل په موخه وکتل.
په دغه لیدنه کې ښاغلي عزیزي د شاهي کانال د لومړي لاټ چارو د پیل په هکله اړین معلومات د لغمان له والی سره شریک کړل او زیاته یې کړه، چې په دغې پروژې کې به ګڼ شمیر کسانو ته د کار زمینه چمتو شي.
د لغمان والي د نوموړې پروژې بنسټيز ارزښت ته په اشارې سره د یادې پروژې د چارو د پیل هرکلی وکړ او په یاده برخه کې یې د هر راز همکاري ډاډ ورکړ.
