د اوبو او انرژي وزارت د اوبو معینیت اونیزه تخنیکی ناسته ترسره شوه
دغه ناسته د اوبو او انرژي وزارت د اوبو معین محترم مجیب الرحمن عمر آخندزاده تر مشري لاندې د رئيسانو، سلاکارانو او د دغه معینیت د تخنیکي مسؤلینو په ګډون ترسره شوه.
په دغه ناسته کې، د کابینې د پریکړې د څرنګوالي په هکله د افغانستان په ولسوالیو کې د چکډمونو د چارو د پیل او د تخنیکي ارزونو په هکله بحث او د اندونو تبادله وشوه.
همدارنګه، په دغه ناسته کې د اوبو چارو د اړوندو موضوعاتو او د اغېزمن مدیریت په هکله هم خبرې وشوې او اړوندو مسؤلینو ته اړین هدایات ورکړل شول.
