د اوبو او انرژي وزارت د اوبو معینیت اونېزه تخنیکي ناسته ترسره شوه
دغه ناسته د اوبو او انرژي وزارت د اوبو پالیسیو د رئیس محترم میرویس میرزاد تر مشرې لاندې د یاد معینیت د یو شمیر نورو رئيسانو، سلاکارانو او تخنیکي مسؤلینو په ګډون ترسره شوه.
په دغه ناسته کې د اوبو سکټور د یو شمیر مهمو تخنیکي موضوعاتو په ځانګړې توګه، د پنجشیر-کابل په مسیر کې په هم مهاله توګه د اوبو د پایپ لاین او د نوري فایبر د لین د لیږد په هکله بحث او د اندونو تبادله وشوه او پریکړه وشوه، چې اړوندې ادارې دې نوموړې موضوع له تخنیکي پلوه تر مطالعې لاندې ونیسي او د نوري فایبر ادارې سره دې اړینه همغږي وشي.
همدارنګه، په دغه ناسته کې د قرغې بند د عوایدو او د هغه د ملکیت د اسنادو د سمون او بشپړولو په هکله بحث ترسره شو او اړینې پریکړې وشوې.
