د اوبو او انرژي وزارت د اوبو معین د غزني ولایت له سردې بند څخه لیدنه وکړه
د اوبو او انرژي وزارت د اوبو معین محترم الحاج مجیب الرحمن عمر اخندزاده د سردې بند او اړونده پروژې څخه لیدنه وکړه.
نوموړي د دې لیدنې په بهیر کې د سردې بند پروژې، ټولو پخوانیو تخنیکي ورکشاپونو، وسایلو، وسایطو او جایدادونو څخه لیدنه وکړه ؛ مسئولینو ته یې د وسایلو او وسایطو د څارنې او ساتنې په هکله اړینې سپارښتنې وکړې.
نوموړي د سردې بند پروژې تېر شالید ته په کتو سره وویل چې له دې پروژې څخه باید د تېر په څېر د هیواد او ملت د پرمختګ، ابادي او ښېرازي لپاره اعظمي استفاده وشي..
