د اوبو او انرژي وزارت د اوبو معین د نیمروز ولایت له مشرانو سره وکتل
د اوبو او انرژي وزارت د اوبو معین ښاغلي مجیب الرحمن عمر آخندزاده د خپل کار په دفتر کې د نیمروز ولایت له یو شمېر مشرانو سره وکتل او په هغه ولایت کې د اوبو مدیریت د پروژو په هکله یې بحث او د نظر تبادله وکړه.
په یاده لیدنه کې، د نیمروز ولایت مشرانو په نیمروز ولایت کې د خاشرود بند او په فراه ولایت کې د ګلستان بند د جوړولو په هکله خپلې غوښتنې د اوبو له معین سره شریکې کړي او د اوبو او انرژي وزارت له رهبري څخه غوښتنه وکړه چې هغه ولایت ته لا زیاته پاملرنه وکړي.
د اوبو ښاغلي معین هغوی ته ډاډ ورکړ، چې د شته امکاناتو په پام کې نیولو او د اسلامي امارت له پالیسۍ سره سم به د یاد ولایت د خلکو ستونزو ته رسیدګي وشي.
