د اوبو او انرژي وزارت د اوبو معین د پکتیا ولایت له قومي مشرانو سره وکتل
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د پکتیا ولایت له قومي مشرانو سره وکتل.
په دغه ناسته کې، د پکتیا ولایت قومي مشرانو د اوبو او انرژي وزارت له رهبري څخه د مچلغو بند د جوړیدو او همدغه راز په هغه ولایت کې د ځمکې لاندې اوبو د تغذیې او د موسمي سېلابونو د کنټرول په موخه د اوبو ذخیره کولو دکوچنیو بندونو د جوړېدو غوښتنه وکړه.
د اوبو او انرژي وزارت د اوبو معین په دغه ناسته کې وویل چې د پکتیا ولایت د مچلغو بند د جوړیدو لپاره هڅې رواني دي او همداراز د ځمکې لاندې اوبو د تغذیې په موخه د اوبو او انرژي وزارت ښې برنامي تر لاس لاندې دي چې ان شاءالله د عملي چارو د پیل لپاره یې هم پوره کوښښ کوو.
