د اوبو او انرژي وزارت د تدارکاتو نوی رئيس همکارانو ته ور وپېژندل شو
محترم الحاج محمد حارث زرمتی چې مخکې یې د اوبو او انرژي په وزارت کې د دغه وزارت د مقام د اقتصادي سلاکار په توګه دنده ترسره کوله، اوس د وزارت د رهبري مقام د لزوم دید پر بنسټ د تدارکاتو د نوي رئيس په توګه وټاکل شو او همکارانو ته ور وپېژندل شو.
د اوبو او انرژي وزارت د مالي او اداري عمومي رئيس محترم الحاج محمد الدین نیازي د تدارکاتو د نوي رئيس د معرفي کولو پر وخت په ادارو کې یې ادلون ، بدلون یو اصل وګاڼه او د دې چارې موخه یې د اجراآتو غوره والی او ښه مدیریت وباله.
د یادونې وړ ده، چې ښاغلي زرمتي د دیني زده کړو د ترلاسه کولو برسېره، د کابل پوهنتون د اقتصاد له پوهنځي څخه د لیسانس سند لري او د لندن له آکسفورډ پوهنتون څخه هم د آنلاین زده کړو له لارې د مسلکي محاسبې ډیپلوم ترلاسه کړی دی.
