د اوبو او انرژي وزارت د رهبري ناسته ترسره شوه
دغه ناسته د اوبو او انرژي سرپرست وزیر محترم الحاج ملا عبداللطیف منصور تر رهبري لاندې د دغه وزارت د اوبو معین محترم مجیب الرحمن عمر آخندزاده او د اوبو او انرژي معینیتونو د عمومي رئيسانو په ګډون ترسره شوه.
په دغه ناسته کې، د اوبو او انرژي وزارت د ۱۴۰۳ کال د تشکیل او بودجې د ټاکلو او د دغه وزارت د پروژو د ستونزو د هوارولو د یو شمېر اړوندو موضوعاتو په هکله بحث او د اندونو تبادله وشوه.
د ناستې په بهیر کې، رئيسانو د مطرح شوو موضوعاتو په هکله خپل معلومات او اندونه څرګند کړل او په پای کې د وزارت د مقام سرپرست د اړینو تصمیمونو په نیولو سره اړوندو مسؤلینو ته د چارو د غوره ترسره کولو په موخه اړین هدایات او سپارښتنې وکړې.
