د اوبو او انرژي وزارت د رهبري پلاوي ناسته ترسره شوه
یاده ناسته د اوبو او انرژي سرپرست وزیر محترم ملا عبداللطیف منصور تر رهبري لاندې د وزارت د مقام سلاکار محترم ډاکټر فاروق اعظم، عمومي رئيسانو او د وزارت د یو شمېر نورو مسؤلینو په ګډون ترسره شوه.
په نوموړي ناسته کې د یو شمېر اړینو اداري او تخنیکي موضوعاتو په ځانګړې توګه د داخلي پلټنې ریاست سره په یاد ریاست پورې اړوند چارو د پرمخ وړلو په موخه د مسؤلینو د همکاري په هکله بحث او د اندونو تبادله وشوه.
د اوبو او انرژي سرپرست وزیر د ټولو موضوعاتو تر هر اړخیزې څېړنې وروسته، د چارو د غوره پرمخ وړلو په پار رئيسانو او مسؤلینو ته اړینې سپارښتنې او هدایات ورکړل او همدارنګه یې سلاکار ته دنده وسپارله چې د NTA او امتیازي موضوع ډېر ژر د رئيسانو سره په تفاهم هواره کړي.
