د اوبو او انرژي وزارت د معلوماتي ټکنالوژي د بنسټ غوره والی او پراختیا
د معلوماتي ټکنالوژي ریاست د خپل سټراتیژیک پلان ته په کتو سره په پام کې لري چې د معلوماتي ټکنالوژي د پراختیا او ودې په موخه په اوبو او انرژي وزارت کې د هغه د رول د غوره والي او چټکتیا لپاره د وزارت د مرکزي ریاستونو او سیندیزو حوزو د کاري برخو لپاره د (Intranet) شبکې رامنځته کړي.
پلان ته په کتو په لومړي قدم کې د سیندیزو حوزه د انټرنټ وېش په بودجه کې د سپما او رنټیا په موخه کنټرول کړي.
د امارتي افغان تیلي کام شرکت سره د اووه میلیونه او ته سوه زره7,800,000 افغانیو په ارزښت
د (2 STM ) انټرنټ په قراردادولو او د ۱۴ سیندیزو حوزو لپاره د انټرنټ په چمتو کولو سره دې چارې ته بریالی شو، د یادونې وړ ده، چې پر نوري فایبر کیبل باندې د نورو سیندیزو حوزو سره د نښلولو لپاره چې تر اوسه پورې له شبکې سره نه دي نښلول شوې، کار جریان لري.
همدارنګه د معلوماتي ټکنالوژي ریاست په بودجه کې د سپما په موخه، د (SIP Station) مرکزي سیسټم په وزارت کې رامنځته کړ، چې د دغه سیسټم په واسطې سره د داخلي شمېرو( ۴ شمېریزه) په IMS ټلیفونونو کې فعال کړي چې د وزارت د ننه اړیکې د دغه سیسټم په واسطه وړیا دي او له پلان سره سم د (Intranet) شبکې په رامنځته کولو سره په پام کې لري چې په نږدې راتلونکي کې نوموړی سیسټم د ټولو سیندیزو حوزو لپاره فعال کړي، چې په دې کار سره د مرکزي ریاستونو او سیندیزو حوزو ترمنځ اړیکې وړیا کېږي او په کنټرول کې د آسانتیاوو او د شبکې د امنیت د لوړېدو او په بودجه کې د سپما لامل ګرځي.
