د اوبو او انرژي وزارت د کورنۍ پلټنې رئيس د ننګرهار سیندیزې حوزې له مسؤلینو سره وکتل
د اوبو او انرژي وزارت د کورنۍ پلټنې رئيس محترم مولوي فضل الرحمن سعید او ورسره مل ټیم ننګرهار ولایت ته د خپل سفر په ترڅ کې د ننګرهار سیندیزې حوزې له رئيس محترم سید فضل احد هاشمي او د دغې حوزې له کارمندانو سره وکتل.
د دغې لیدنې په پیل کې، ښاغلي هاشمي د نوموړې حوزې د فعالیتونو په هکله بشپړ معلومات وړاندې کړل.
په ورته مهال، د دغه وزارت د کورنۍ پلټنې رئيس په دغه لیدنه کې د خپل سفر په هکله معلومات وړاندې کړل او زیاته یې کړه، چې پلټنه یو اسلامي اصل دی او د ټولو چارو پلټنه باید د اسلامي اصولو سره سم تر سره شي .
