د اوبو او انرژي وزارت سرپرست وزیر د ارغنداب سیندیزې فرعي حوزې ریاست څخه لیدنه وکړه
د اوبو او انرژي وزارت سرپرست وزیر محترم ملا عبداللطیف منصور د ارغنداب سیندیزې فرعي حوزې ریاست څخه د لیدنې پرمهال د یاد ریاست له رئيس محترم ملا سید محمد شرافت او کارمندانو سره وکتل.
په دې لیدنه کې، ښاغلي شرافت د اوبو او انرژي وزارت سرپرست وزیر ته د یاد ریاست د کاري پلان او ترسره شوو اجراآتو په هکله بشپړ معلومات وړاندې کړل.
په ورته مهال، د اوبو او انرژي وزارت سرپرست وزیر د ارغنداب سیندیزې فرعي حوزې رئيس ته د کاري پلان د غوره پلې کولو او د چارو د لا ښه پرمخ وړلو په پار اړین هدایات ورکړل.
