د اوبو او انرژي وزارت سرپرست وزیر په ترکیه کې له یوه ترکي پانګوال سره وکتل
د اوبو او انرژي وزارت سرپرست وزیر ښاغلي ملا عبداللطیف منصور او ورسره مل پلاوي په ترکیې کې د یاد هېواد له یوه ستر پانګوال ښاغلي احمد البیرق سره وکتل. د اوبو او انرژي وزارت سرپرست وزیر په یاده لیدنه کې نوموړي پانګوال ته بلنه ورکړه چې افغانستان ته راشي او د اوبو مدیریت او د انرژي د تولید په پروژو کې پانګونه وکړي. ښاغلي احمد البیرق د اوبو او انرژي وزارت سرپرست وزیر ته ډاډ ورکړی چې د اوبو د مدیریت او د انرژي د تولید په پروژو کې د پانګونې او د افغانستان له نوي حکومت سره به د هېوادونو د اړیکو د پیاوړتیا په برخه کې مرسته وکړي.
