د اوبو او انرژي وزارت مسئولینو د ویستن انشاط شرکت له رئیس سره په کتنه کې د بخش آباد بند د چارو پر چټکتیا باندې ټینګار وکړ
د اوبو او انرژي وزارت سرپرست محترم ملا عبداللطیف منصور، د یاد وزارت د اوبو معین محترم مجیب الرحمن عمر آخندزاده او د یاد وزارت د رهبري مقام سلاکار محترم ډاکټر فاروق اعظم، د ویستن انشاط شرکت له رئیس محترم جمشید شاهي سره په کتنه کې د بخش آباد بند د انحرافي تونلونو د کار د جریان په هکله خبرې وکړې.
په یاده کتنه کې د اوبو او انرژي وزارت سرپرست او د یاد وزارت د اوبو معین د نوموړې پروژې د چارو پر چټکتیا باندې ټینګار وکړ.
په ورته مهال، د ویستن انشاط شرکت رئیس د نوموړې پروژې د کار جریان ښه وباله او ډاډ یې ورکړ چې د بخش آباد بند د انحرافي تونلونو د پروژې چارې به ګړندۍ کړي.
