د اوبو او انرژي په وزارت کې د هېواد د تېرو زلزلو د شهیدانو لپاره د قرآنکریم د ختم، فاتحې او دعا مراسم ترسره شول
په دې مراسمو کې، چې د اوبو او انرژي وزارت د دعوت او ارشاد ریاست له لوري ترسره شوی و، رئیسانو او کارمندانو د قرآنکریم په ختم او فاتحې سره د هېواد د لوېدیځو ولایتونو په ځانګړې توګه د هرات ولایت د تېرو زلزلو د شهیدانو روح ته د بخښنې او رحمت غوښتنه وکړه.
همدارنګه، د الله(ج) له دربار څخه یې د دغې غمجنې پیښي ټپیانو ته د عاجلې روغتیا، جمیل صبر او جزیل اجر غوښتنه وکړه.
د دې مراسمو ګډونوالو په ډله ایزه توګه د خدای (ج) درباره ته دعا وکړه، چې د نړۍ ټول مسلمانان او په ځانګړې توګه د افغانستان د روند ولس له داسې دردونکو پیښو څخه په خپل امان کې وساتي.
