د اوبو او انرژۍ سرپرست وزیر د د ښکتنۍ کوکچې او ورسج بندونو لۀ ساحې څخه لیدنه وکړه

 د اوبو او انرژي سرپرست وزیر الحاج ملا عبداللطیف منصور په داسې حال کې چې د تخار ولایت مرستیال والي خال محمد حقاني او د یو شمیر سندیزو حوزو رئیسانو او ځایي مسؤولینو یې ملتیا کوله، د تخار ولایت د خواجه غار ولسوالۍ اړوند د ښکتنۍ کوکچې او د ورسج ولسوالۍ اړوند د ورسج بند له ساحو څخه لیدنه وکړه. یاده دې وي چې د ښکتنۍ کوکچې مطالعات2010-2017 زیږیدیز کال کې د اسیا پراختیايي بانک له لوري ترسره شوي، چې د نوموړي بند لوړوالی 60 متره په نظر کې نیول شوی، چې د 50 میګاواټه برښنا تولیدولو او 320000 هکتاره ځمکې خړوبولو وړتیا به ولري او همدارنګه د ورسج بند چې مطالعات یې 1356 ه ل کال کې ترسره شوي، دنوموړي بند لوړوالی 75 متره په نظر کې نیول شوی چې د 60 میګاواټه برښنا تولیدلو او 365000 جریبه ځمکې د خړوبولو وړتیا به ولري. په پای کې د اوبو او انرژي سرپرست وزیر د راغلو خبریالانو پوښتنو ته ځوابونه ورکړل او رسنیو ته یې د یادو بندونو په هکله بشپړ معلومات وړاندې کړل.