د اوبو او برېښنا په برخه کې د سمنګان ولایت د خلکو ستونزې د اوبو او انرژي له سرپرست وزیر سره شریکې شوې
د اوبو او انرژي سرپرست وزیر محترم الحاج ملا عبداللطیف منصور د هېواد شمالي ولایتونو ته د خپل سفر په لړ کې د سمنګان له والي محترم مولوي عبدالأحد “فضلي” سره په داسې حال کې د یاد ولایت په مقام کې وکتل چې د شمال سیندیزې حوزې عمومي رئيس محترم انجنیر رفیع الله مجتبی، د پنج آمو سیندیزې حوزې عمومي رئيس محترم مولوي عبدالحکیم حاجي حکمت، د بلخ سیندیزې فرعي حوزې رئيس محترم مولوي موسی جان حقبین او د سمنګان سیندیزې فرعي حوزې رئيس محترم مولوي انس یې ملتیا کوله.
په دغه لیدنه کې، د سمنګان والي د اوبو او برېښنا په برخه کې د نوموړي ولایت د خلکو ستونزې، وړاندیزونه او غوښتنې د اوبو او انرژي له سرپرست وزیر سره شریکې کړې.
د اوبو او انرژي سرپرست وزیر په دغه لیدنه کې د سمنګان والي ته ډاډ ورکړ، چې د متوازنې پراختیا او شته امکاناتو په پام کې نیولو سره به د اوبو او برېښنا په برخه کې د نوموړي ولایت د خلکو ستونزو، وړاندیزونو او غوښتنو ته رسیدګي وشي.
دا په داسې حال کې ده، چې د اوبو او انرژي سرپرست وزیر د هېواد شمالي ولایتونو ته د اوبو او برېښنا په برخه کې د نوموړ ولایتونو د خلکو د ستونزو، وړاندیزونو او غوښتنو د اورېدلو په موخه سفر کړی او د دغو ولایتونو له سیمه ایزو مسؤلینو، مخورو ، قومي مشرانو او د ټولنې له بېلابېلو اقشارو سره لېدنه کوي.
